منتديات كوفي كوب Coffee cup

الحاله اللي كثير احيان تطريلي
اعيش يومي الى من جات (وحداني) .

. اجر صوتي قبال الجال في ليلي
واشوف حلمي بوسط الموج غرقاني .

. ياكم ليلٍ سهرته طايحن حيلي
الضيق ضيفي شرب من دلة احزاني .

. والنار تصلى ضلوع الصدر ياويلي
كل ما اطفي لهيبن يشتعل ثاني .

. مدري المفارق سبايب كل غرابيلي
والا ظروفي سبب في نبره اشجاني .

. ماشفت حولي رفيقٍ صادق بجيلي
اعطيه سري واعده حسبة اخواني .

. ياليت منهو بسلك الطب يشريلي
قلبٍ جديد بدل هالخافق العاني .

. مايحس بفراق خلن بس يعطيلي
نبضات قلبن تسير عمري الفاني .

. وقررت اسافر ولا به شخص يعني لي
يازين عمري الا من عشت وحداني .