السلام عليكم ورحمة الله وبركاته
بخصوص الاخطاء بالملزمة في الواجبات والاختبار الفصلي انا مالاحظت شي للان بس فيه طلبه يقولون فيها اخطاء فالله يعافيكم اذا احد يعرف وش هي الاسالة وعنده تصحيح الخطأ يكتب لنا وايضًا اسألة العام انا بنفسي قريتها وشفت فيها اخطاء او اجوبة ماحسها مقنعه لكن مدري وش الحل الصحيح اذا احد يعرف التصحيحات وشكرا

من اول مابدات دراسه وانا مااخذ غير ملزمة احساس
ولو فيها اخطاء مابينزلها احساس بالمكتبات ..
ويخلينا نعتمد عليها :39:

وعليكم السلام و الرحمة ...
تطمن/ي ، الاختبارات الفصلية و الواجبات لهالترم : اجوبتها كلها صحيحة و متأكدين من حلولها 100%
انا و AHZHANM و البقية كنا نحلها و نتأكد من حلولها اول باول ، والأسئلة اللي ما كنا متأكدين منها ما انتهت فترة الاختبار الفصلي الا وحنا مأكدين حلولها 100%

ودامك ما لاحظتي اخطاء الى الان فالأمور تمام ، وما عليك/ي من الكلام اللي يتناقلوه الطلبة ، مو بالضرورة يكون صحيح .. لأن هالموضوع في كل سمستر يتم تناقله بين الطلبة مع تجاهلهم لجهود طلبة كانت تقعد بالساعات لحل الأسئلة ، فهذا اجتهادهم
ان اصابوا فلهم اجرين ، وان اخطاؤا فلهم اجر
و المفروض بدل ما يقولوا فيه اخطاء ، يبادروا ويتعاونوا بتصحيح الخطأ بدون شوشرة وتشكيك ، وهالشي ما يزعل ابدا ً ... بالعكس حلو التعاون !! والانسان مو معصوم من الخطأ

عشان تتطمن/ي أكثر تصفح/ي صفحات موضوع الاختبار الفصلي من البداية الى النهاية وراح تشوف/ي نقاشاتنا في الحلول و كيف اكدنا الاجابات عبر مصادر من الكتاب و الملزمة والمحاضرات المسجلة:
الاختبار الفصلي لمقرر سلوك المستهلك - المستوى السادس 1440 - الصفحة 11 - منتديات كوفي كوب Coffee cup (http://www.cofe-cup.net/vb/showthread.php?t=74868&page=11)

أما الاختبارات الفصلية و الواجبات للعام الماضي و اعوام سابقة فهي من مجهود طلبة سابقين وان شا الله حلولهم صحيحة

الاخطاء فقط كانت في بعض الاجابات الموجودة في نموذج " اختبار نهائي لأعوام سابقة " في اخر الملزمة
وانا سويت مشاركة بخصوص هالموضوع وانو ينبغي ع الطلبة التأكد من حلولهم بانفسهم ، وقلت اني راح انزل مشاركة أأكد فيها حل الـ 70 سؤال و اوضح الاجابات الخاطئة و تصحيحها :
منتديات كوفي كوب Coffee cup - عرض مشاركة واحدة - مذاكرة و مراجعة لمقرر سلوك المستهلك - الفصل الثاني 1440 ( ملفات - شروحات - كويزات ) (http://www.cofe-cup.net/vb/showpost.php?p=840836&postcount=32)

هذا رابط يوضح الاجابات الخاطئة لبعض الاسئلة (لا تتجاوز 6 أسئلة) وتصحيحها ، نزلته قبل اشوي في الموضوع الخاص بمراجعة المقرر :
منتديات كوفي كوب Coffee cup - عرض مشاركة واحدة - مذاكرة و مراجعة لمقرر سلوك المستهلك - الفصل الثاني 1440 ( ملفات - شروحات - كويزات ) (http://www.cofe-cup.net/vb/showpost.php?p=840929&postcount=40)

بالتوفيق للجميــع :CE_DP_Stealer:

يعطيكم العافية

Thebror
k-k

ع الإفادة