مشاهدة النسخة كاملة : غربة الإحســاس .. "


ward
03-06-17, 11:16 AM
كل ما ظنيت ظن .. الظن خاب

في حبيب و في قريب و في صحيب ..

كني المخلوق من طين العذاب .. !!

ظيقتي قسمة و حرماني نصيب ..

ليلة البارح غشاني الآكتئاب ...

ولا شكيت الجرح .. لو جرحي عطيب

آغترب قلبي بآحاسيسه .. و غاب

و آلتحفت الصمت عن برد .. النحيب

غربة الآحساس .. هي الآغتراب

هذا آنا في موطني .. كني غريب

آشعر بحاجه شديده .. للغياب

لين ذاتي عن مدى ذاتي .. تغيب

يا حبيبي و الذهاب بلياه آياب ..

يثبت إن ما كل ما ودا .. يجيب

لو حسبت لكذبك و غدرك حساب ..

كان ما حبيت و آخترتك .. حبيب

كيف آبل الريق .. من كف السراب

و كيف آطيب بواحدٍ مافيه .. طيب

لا يزيد اللوم و يطول العتاب

مشكلتنا .. مالك بإسمك نصيب ..




الشاعر : محمد جار الله السهلي ..

afoof-turki
03-06-17, 04:05 PM
صح لسان قايلها
كلمات جدا ذوق
اهنيك ع الاختيار
يعطيك العافيه

ward
03-06-17, 04:15 PM
صح بدنك afoof ..
يسلمو على المرور .. :CE_DP_Stealer:

crezelive
03-07-17, 06:04 AM
ward

يسلملي ع النقل الحلو

وصح لسان قايلهااااا

ward
03-07-17, 04:10 PM
الله يسلمك crezelive ، ويسلمو على مرورك ..

وليد خالد
03-08-17, 12:20 AM
ماشاء الله عليك يوجد لديك حسن اختيار وانتقاء للقصائد واعجبتني قصيدة جميلة اخرى لنفس الشاعر ومطلعها:
من عقب مآ كنت أحسب إني نسيتك ،،
مدري شجآبك ع البآل و ذكرتك ~
و لآ وعيت إلآ و أنآ قدآم بيتك ،،
مآ تقول إني قبل مدة هجرتك ~
ذآ مكآني لآ غفآ الليل و سريتك ،،
شف كم لي مآ سريت و لآ سهرتك ~
و ذآ مكآنك لآ تضآيقت و جفيتك ،،
و شف كم لك مآ ترجيت و عذرتك ~
و ذآ مكآن قلوبنآ لحظة هويتك ،،
فيه عمري اختصرته و اختصرتك ~
وآقف و كني من أحزآني بنيتك ،،
جسر مآ بين الزمآنين و عبرتك ~
أتذكر وش خذيت و وش عطيتك ،،
يوم كنت أنقآض و بحبي عمرتك ~
و أتذكر سآعة أنهوك و بديتك ،،
كيف بجروحي عن جروحي سترتك ~
و كيف بعت أحلآم عمري و اشتريتك ،،
و كيف كنت أشنع هزيمة و انتصرتك ~
و كيف كنت الملح و لكني رويتك ،،
و كيف كنت الزيف و لكني ذخرتك ~
أدري إني جد من قلبي بغيتك ،،
و أدري إني رغم كل هذآ خسرتك ~
انتظرتك عمر حتى إني لقيتك ،،
و القهر مدري على ويش انتظرتك ~
كنت أحبك .. كنت .. لكني سليتك ،،
و مآ بقى سلمته الريح و نثرتك ~
و انت لآ تزعل إليآ مني رثيتك ،،
بعد مآ خنت و توفيت و قبرتك ~
و الله إني لآ حزنت و لآ بكيتك ،،
مثل مآ عمرتك بقلبي دمرتك ~
بس تدري ليش عقب غيآبك جيتك ،،
و اهتدت رجلي على بيتك و زرتك ~
بشكرك على آخر طعونك فديتك ،،
ليلة فرآقك نسيت و مآ شكرتك ~
شكراُ للمشاركة المتميزة

ward
03-08-17, 05:05 PM
تسلم وليد على القصيده اللطيفه ..
وشكراً على مرورك الفعال ..

تحياتي لك ..

єЅρАnộl TŖİstэ
03-10-17, 03:42 AM
دائما قصائده تكون كلماتها عذبه ..
تسلم يمينك اختي ع النقل الجميل ..

ماننحرم ..

ward
03-10-17, 01:12 PM
اي مره جمييييله ..

تسلم єЅρАnộl TŖİstэ أخوي منور ..

إحساس
03-16-17, 12:36 PM
غربة الآحساس .. هي الآغتراب

هذا آنا في موطني .. كني غريب

آشعر بحاجه شديده .. للغياب

لين ذاتي عن مدى ذاتي .. تغيب

ذوق دائماً في إنتقاءك للقصائد ورد

ward
03-16-17, 03:01 PM
آنت الذوق بمرورك والله .. تسسلم إحساس ..

Not Found
03-17-17, 10:07 PM
جميلة جداً تلك الأبيات

تسلم أيديك أخت ورد وسلم حسك الرائع

تحياتي لكِ

ward
03-17-17, 11:56 PM
سلمت يمينك ..

منحرم من مرورك المبدع ..

ANTEKA
04-07-17, 09:55 PM
يعطيك العافيه

بريق الأمل
05-17-17, 10:02 AM
ذوق ورد

ward
05-18-17, 05:55 AM
يعطيك العافيه



الله يعافيك انتيكا

ward
05-18-17, 05:56 AM
ذوق ورد


اهلن بريق الامل
اسعدني مرورك :qiz06251: