بسم الله الرحمن الرحيم

مقرر : مهارات الحاسب الآلي

هنا موضوع يكون لوضع الانطباع بعد الاختبار وبأذن الله تكون انطباعات جميله للجميع

مهم جداً :

نلتزم بعدم الاساءه لدكتور المقرر والانتقاد باسلوب مهذب يليق بنا اذا وجد اي انتقاد

وان شاء الله تكون الامور كلها مبشرة للجميع

لا تنسون الإجابة على الإستطلاع فوق


بالتوفيق للجميع

سهل وفيه شوي صعوبه:biggrin:

انا استغرب من الدكتور اول امس ارسل ايميل ان الاختبار ما يحتاج اله حاسبة لان كل الأرقام تقدر تحسبها بالذهن

الله وكيلكم سؤال التحويل من جيجا بايت الى بت دخت فيه


اختبار كان فيه بعض الإسالة سهله

الحمدِلله
الأختِبار جدِاً جمَيل و سِهل
بالتِوفيق للجمَيع يـَاا رب :CE_DP_Stealer: '!

الاختبار سهل وفيه بعض الاسئله فيها صعوبه ..
يعني بالنسبه لي متوسط ..

والشكر لله ثم لمجهوداتكم الرائعه معنا الله لا يحرمكم الاجر

الاختبار ماقدر اقول سهل متوسط وشويه صعوبه بصرآحه

كثير قال لي ماحتاج حسابه بس انصدمت من في بعض الاسئله تحتاج حساپه

والله يوفقنا ان شاءالله❣️

من حيث الاسئلة تعتبر من الاسئلة الصعبة بالنسبة الى طلاب الانتساب وتناسب تلك الاسئلة طلاب الانتظام بالاضافة الى انه لم يرد من المذكرات والواجبات والاختبار الفصلي اي اسئلة تذكر الا سؤال او سؤالين فقط وايضا لوحظ خلو الاسئلة من التعريفات والاسئلة المبسطة والمتوسطة.
تحياتي للجميع"

الاختبارمتوسط مائل للسهوله
الحمدلله الجزء العملي كان قليل نسبيا وغير معقد
اللي لفت انتباهي ان الدكتور مليون مرة يقول ان مافي مصطلحات انجليزية وانه راح يجيب مرادفها بالعربي
لكن في الاختبار كان العكس \ انا الحمدلله ما فرق معي لكن ظلم لبقية الطلبة ..
و الحمدلله على كل حال لكل مجتهد نصيب .

بالنسبة الاختبار للي ماعندي اي خلفية عن الحاسب واستعمالاته والتقنية بشكل عام بيكون شوي صعب . بالنسبة لي ما وجد فيه اي صعوبة لاني خريج تقنية معلومات وموظف في نفس التخصص وبالتوفيق للجميع في اخر اختبار

ياسر

ماشاء الله بالتوفيق لك،

فيه صعوبه شوي بالاسئله وبعضها سهله

الأسئلة تصنف متوسطة لكني أستغرب من الدكاترة والاساتذة في وضعهم للأسئلة للأمانة أحياناً أشعر إن ما ودهم أحد ينجح وإذا نجح ينجح بمعدل متدني طبعاً مع احترامي وتقديري لهم هم في النهاية لم يخرجوا عن إطار المنهج ولكن أتمنى مراعاة أمر مهم إننا طلاب تعليم عن بعد يعني نحتاج قليلاً من مراعاة ظروفنا فينا الموظف والمتزوج وعندنا التزامات وارتباطات ما في ذاك الوقت اللي الواحد يجلس فيه يمخمخ على المنهج كلمة كلمة ما نقول اعطونا ملخصات أو نجحونا لكن يسروا علينا شوي قسم بالله المخ ما صار يجمع تحفظ معلومة من هنا وتطير من الجهة الثانية ..
أدري كلامي ما منه فائدة لنا على الأقل لأن بكرة آخر اختبار لكن في طلاب جدد راح ينظموا للجامعة اتمنى مراعاتهم في المستوى القادم ..
بالنسبة لي سويت كل اللي اقدرعليه في هذا المستوى ولا يلام المرء بعد اجتهاده والصدق يقال إني محبط من بعض الأسئلة ولو أحمل مادة لا سمح الله ما راح أكمل لأن الضغط النفسي اللي مرينا فيه لا يطاق ليست مسألة انهزامية أو شعور بالفشل لكن بصراحة الوضع محبط جداً وما يحمس ..
طبعاً اعتذر منكم لكن هي مجرد فضفضة وربما تكون هذه الأحرف آخر ما أكتب في هذا الصرح الجميل بتواجدكم جميعاً
كنتم خير مثال بتكاتفكم وحبكم الخير لغيركم ومساعدة بعضكم البعض وحرصكم على المجموعة

وفالكم التوفيق والنجاح يارب لأنكم والله تستاهلون

الله يسامح هالطيفور 🌝❤

السلام عليكم

بالنسبة لي كانت الأسئلة متوسطة
الحمد لله قدمت كويس بس في كم سؤال الأستاذ أبدا من المحاضرات ما تكلم عنها و فعلا كان الشخص يحتاج آلة

موفقين جميعاً

أول شي يعطيكم العافية.

الأسئلة الصراحة كان فيها صعوبة, وأكثر شي غبني الأسئلة اللي يقول فيها هذي الأداة/الصورة بأي تبويب؟
يعني اغلبنا عندنا خبرة بالكمبيوتر, الإنترنت, نظام وندوز وحتى برامج Office, بس إنه يسأل بأي تبويب هذي اسميها تصعيب للأسئلة بس! المنهج طوييل وما كان يحتاج يجيب 7 اسألة او أكثر كلها عن "أي تبويب".

وفيه عندي استفسار عن سؤالين, اللي كان عنده نموذج 2
فيه سؤال بالصفحة الثانية, ممكن السؤال رقم 6 او 7, اللي عن Excel وكيف تم حساب المعدل لمادة الحاسب, الإجابات كانت كلها 2C بدايتها اتوقع, والمفروض تكون 3C لأن إسم الطالب اللي بالسؤال يختلف عن اسم الطالب اللي بخلية 2C.
والسؤال الثاني رقم 67 أتوقع, اللي هي عن الشبكة اللي تكون جغرافية أو شي زي كذا, الجواب مو المفروض يكون MAN? بس ما كان موجود بالخيارات.

ياليت أحد يتاكد لي.

الدكتور ماكان عنده لا مصداقية
ولا مراعاة للطلاب !

بالذمة يعني .. الإختبار أغلبه أسئلة عملية .. واحنا مو قاعدين نطبق على الحاسب ترى !
فوق هذا المادة دسمة ولا رأف بحالنا وحذف لو جزئية بسيطة منه !
ترى العقل له ذاكرة محددة يعني وين يخزن كل هالمعلومات !!!!
وبعدين سلامات جايب أكثر من سؤال يتكلم عن اسم الشريط !
كان بإمكانه يجيب أدوات سهلة ويسألنا بويش تُستخدم أرحم من اسم الشريط !
ما أقول إلا حسبي الله بس
ولعل وعسى نعدي المادة على خير

الاختبار كان سهل جدا لاني اعتمدت ع الملزمه من بدايتها الين النهايه و المحاضرات نفس اللي درسناه بالثانوي مافيه شي جديد.

انا حسيتها متوسطة مايلة للصعوبة واحس توهقت وانا احل بس كلامكم توقعت يطلع يوم مفاهيم تعلم صراحة حتى هو اختباره صعب موت حمر😂

سعد صحيح زي ماقلت كان المفروض 3c
لكن man موجود من ضمن الاختيارات :sktlshina-284a86446

Thebror
لا هي مو مكتوبة بس انا مضيع, لان رجعت للملزمة قبل شوي وتاكدت, طلعت الإجابة LAN لأن حتى هي تعتبر شبكة في منطقة جغرافية.

الله يعطيكم العافية

شكراً لجميع من شاركوا معنا

وإن شاء الله تكون كل النتائج مفرحة لكم