مشاهدة النسخة كاملة : حتى شبّاك الفَرَح بعدك : هزيـل


طفلتك
06-11-12, 05:07 PM
كنت تقدر قبل ماتمشي تقول :
[ إنتهينا ] أو تلمّح للرحيل

كنت تقدر قبل تبدا بالهطول
تهمس بْـ إذني : ترى غيمي بخيل

ماتخلّيني على رفّ : الذهول
بين [ ليه ] وبين [ لا لا مستحيل ]

المواني تنتظر لحظة وصول
والأماني صبحَها من غير ليل

لو صعود الجرح .. قابل للنزول
سال في قلب المعنّى : سلسبيل

شف زلازل غيبتِك يابن الأصول
هدّت بْـ صرح المشاعر ألف حيل

في زوايا غرفتي ألمَح : نحول
حتى شبّاك الفَرَح بعدك : هزيـل

قبل تمشي قول عذرك لو يطول
ياخي إكذب .. بال صاحبتك طويل

كلّ كذبة مِنْك تستدعي القبول
لو تقول إنّ المربّع : مستطيل :/

ياعديم الحِسّ .. إسمح لي أجول
في براح الجرح لو من غير خيل

خلّني بين المحاجر والفصول
فصل خامس .. دمعته عيّت تسيل

إحساس
06-11-12, 08:30 PM
ياعديم الحِسّ .. إسمح لي أجول
في براح الجرح لو من غير خيل

صح لسان كاتب القصيدة

وتسلمين على النقل ياطفلتكـ

G.A
06-12-12, 12:22 AM
قبل تمشي قول عذرك لو يطول
ياخي إكذب .. بال صاحبتك طويل


صح لسان كاتبها
أختيار للقصيد جميل
لاهنتِ طفلتك

sutshe
06-12-12, 01:16 AM
المواني تنتظر لحظة وصول
والأماني صبحَها من غير ليل

لو صعود الجرح .. قابل للنزول
تسلمين ع النقل
وصح لسان كاتبه

هيفاء
06-13-12, 03:16 AM
قبل تمشي قول عذرك لو يطول
ياخي إكذب .. بال صاحبتك طويل

كلّ كذبة مِنْك تستدعي القبول
لو تقول إنّ المربع .. مستطيل :/


يعطيك العافية ي طفلتك
راقت لي