قصيدة ياعظيمه..الشاعر ضيدان بن قضعان


يا عظيمه




ياعظيمه كل شئ له حدود وله نهايه
لكن انتي ماوقفتي عند حدك ياعظيمه


استلذتي بطعناتي واخذتيها هوايه
كن مالك حرة توجع وطعنات ٍ اليمه


آه ليتك ماتماديت بطعنات البدايه
لين صار لكل طعنه في الحشى معني وقيمه


الله يبيحك ولكن كيف في اغرب روايه
تكتبين الحب كذبه والهوى دقه قديمه


وانتي الي كل مالدة عيونك في المرايه
مالحمتي لليتم الي خذت قلبه يتيمه


واليتيمه في اليتامي ماهل حق الوصايه
الوصيه عودها الغض وناياها السليمه


لكن انتي صار لك حق الوصايه والولايه
واستبديتي واضحو البدو واضحيتي مقيمه


مارحلتي لين حطمتي بمافيه الكفايه
عاقل حب الجنون وصوت ناره في هشيمه


استبحتي حرمة المجنون بإدراك وعنايه
والتفيتي له بعقلك وارتكزتي في صميمه


امتلكتي غايته لو ماكان لك غايه
وانتصرتي في عيونه واعترف لك بالهزيمه


من كثر مايعشقك ماقال لك بالحب رايه
خايف الايام لاتطلع عواقبها وخيمه

صح لـسـآن الشـآآعــر ‘

عوآآفي ع النقــل ,‘

آه ليتك ماتماديت بطعنات البدايه
لين صار لكل طعنه في الحشى معني وقيمه
الله يبيحك ولكن كيف في اغرب روايه
تكتبين الحب كذبه والهوى دقه قديمه


شدني البيتين ذول مررره..
جات على الجرح مثل مايقولون

صح لسان شاعرهاا
ويعطيك ربي الف عافيه خيوو..

يعافيكم ربي

يعطيك العافيه اخوي
على النقل الرائع واخيارك له

العفو ذابحهم

آه ليتك ماتماديت بطعنات البدايه
لين صار لكل طعنه في الحشى معني وقيمه


صح لسان الشاعر على القصيدة

وتسلم على النقل يااحساس مرهف