بسم الله الرحمن الرحيم
السلام عليكم ورحمة الله وبركاته

اليوم جايبتلكم موضوع (( أقصد ناقشته بس ما تبي تعلم ))

الزبده عاد ان الموضوع عجبني و حبيت انقله لكم

و يا رب يعجبكم زي ما عجبني


اخليكم مع السالفه ::





هلووووو
قرر الأب إذا نجحوا كل عياله يوديهم في الصيف لفرنسا... انبسطت منيرة مرة لماسمعت هالخبر... لأنه صار لهم زمان ما سافروا... من أربع سنين أو خمس... المهم شدت البنت
حيلها في المذاكرة وأخوانها زيها... وجت نهاية السنة ونجحوا كلهم
وسافر بهم أبوهم مثل ما واعدهم...
كانت منيرة مبسوطة بس فيه شي منكد عليها كل السفرة... ومخلي الأخلاق في النازل...
أبوها شرط عليها ما تشيل العباية... ياعباية يا ما فيه سفر... رضت منيرة لأبوها
راحت بالعباية والطرحة محجبة بس (يحمد ربه بعد)... البنية أول مرة تسافر بعد ما كبرت...
كانت ماخذة راحتها أول...
لكن الحين خلاص (البنت كبرت)... تمشوا وراحوا وجو وما خلوا قرنة في باريس
ما اندعسوا فيها...
المهم العيال شبوا على أبوهم يبون شاطئ يسبحون... ونزلت الطامةالكبرىعلى منيرة!!!... وشلون تروح لشاطئ بعبايتها؟!... كيف تشوفأخوانهايسبحون وهي لأ؟!!... طبعا ما لها إلا تستسلم وتطس معهم... الزبدةراحتخويتنا وهي مطنقرة... وبينما العيال يسبحون ويمرحون (الله يفكهم منشرعينها) راحت هي على جنب وقعدت لحالها من زين الأخلاق (خبركم راكبتها أم العبيد)... وقامت تمقل بخلق الله... وبينما هي كذلك (حلوة قلبت العربي)
لمحت ذاك الشاب الفرنسي اللي مووووووووت... يجنننننننننن طوييييل...ووسيييييم...
وجسمه عضلااات... ولونه برونز (لابس مايوه)
وشعره متروس جل... ولابس ذيك النظارة الشمسية الماركة... طالعها هو وابتسم...
بغى يغمى عليها يوم شافت صفت اسنانه ... ابتسمت هي الاخرى...
قام ومن باب الميانة قرب قرب قرب لين ارتز جنبها... هي تسالون عن حالها مسيكينة... منسبهة... متنحة... وفي نفس الوقت مستحية... وكمان متوهقة خايفة يشوفها
أبوها تحاكي ذا الاطخم يقوم يسفرها لديرتها دايركت
(حرام عليه أبوها ما يكفي حكرها بالعباية يقوم يتفلسف)... التفت عليها أبوالشباب وانفلت بالحكي... طبعا هي ثور الله في برسيمه ما تدري وش هو قاعد يرطن... هو شافها توزع هالابتسامات عرف إن ما عندها دبرة...
قام سألها:






do you speak English..









مسويها نجليزي هو سأل ولا ما سأل بغت تحب راسه البنية...
على طول يييييس...
ودار بينهما الحوار التالي:
أبو الشباب: أنتي من وين شكلك مو فرنسية (أنواع المجاملة اجل هذا شكل فرنسية تتشمس بعبايتها؟!)
منيرة: أنامن المملكة العربية السعودية طبعالا تنسون إن كل هالبربرة بالانجلش.
أبوالشباب: (وهو متحمس) كيف وصلتو هنا؟
منيرة: وصلنا من كم يوم عادي.!
أبو الشباب: بس كيف عبرتو البحر؟
منيرة: أي بحر ما مرينا على أي بحر رحلتنا كانت دايركت الرياض باريس.
أبو الشباب: (مستغرب) يعني ما جيتوعلى بعارين؟؟!!
منيرة: (كن احد مدغدغها) أي بعارين انت تمزح جايين بطيارةلا بالجديدة بعد أم شاشات (يا شين السرج على البقر)
أبو الشباب: عندكم طيارات؟؟
منيرة: إيه عندنا ليه وش فاكرنا؟؟
ابوالشباب: أنا اللي اعرف عن السعودية إنها صحراء قاحلة والناس يتنقلون فيها بجمال والحريم يركبون وهم متغطين على الجمال والرجال وراهم شايلين براميل البترول...!!! الخ
منيرة: وين يا عمي وش ذا إحنا عندنا كل وسائل التكنولوجيا في ديرتنا... سيارات (http://www.glaksa.com/vb/f53/) وطيارات
وكمبيوترات وموبايلات (عاد أهم شي) وانترنت والشوارع متطورة وترى عندنا
فيصليةومملكة


(هذي مب احسن تنطق تقابل فيصليتها ولا تفشلنا برى؟!)
أبو الشباب: اجل آسف أنا فاهم شي الواقع طلع شي أخر، بس أنتي ليه ماتسبحين؟
منيرة: مقدر اسبح لأني محجبة
ابو الشباب: اشوا انتي مو منهم؟
منيرة: من مين؟؟
أبو الشباب: اللي متشوهين
منيرة: أي متشوهين؟؟؟؟!!!!
أبو الشباب: الحريم اللي يغطون وجيههم عندكم متشوهين صح؟
منيرة: لا طبعا أي متشوهين الموضوع مو تغطية بس ديننا هو اللي فرض علينا كذا درءاً للفتن
(أبو الفلسفة) أنا هناك أغطي وجهي مثلا أنت شايفني مشوهة؟
ابوالشباب: لا أبدا أنتي جميلة ولونك حلو، بس مو حرام جميلات زيكم يضطهدون؟
منيرة: ليه يطصدو... يظهدون... يظطهون...المهم اللي هي من قال إنإحنا كذا؟؟؟
أبو الشباب: مثلا ممنوعين من السواقة
منيرة : مين قال لك إن إحنا أصلا نبي نسوق كل حرمة وبنت لها سواقها الخاص نسوق ليه
أبو الشباب: طيب ما يقبلونكم بأي وظيفة بس مدرسة صح؟
منيرة: الدولة الله يعزه ما توظف بناتها إلا في وظايف تناسب قدراتها بس مو بس
تدريس البنت السعودية طبيبة وصيدلانية وسيدة أعمال وموظفة حكومية بس الأغلب
في قطاع التربية لأنه هو الأقرب لطبيعتنا البنات.
ابوالشباب: بس مانعينكم عن المناصب الكبيرة مخلينها للرجاجيل بس هذالا تقولين لا
منيرة: ( أخذتها العزة بالإثم وقامت تألف) من قال كذا أصلا أنت ماخذ فكرة مرة سيئة عن
ا المراة تتقلد مناصب كبيرة حتى أنا بالامارة خالتي وزيرة.
أبو الشباب: متأكدة؟ أنا اعرف إن السعودية ما فيها حريم في حكومتها
منيرة: كل معلوماتك غلط قلت لك خالتي وزيرة
أبو الشباب: شكرا على تصحيحك لمعلوماتي وبهالمناسبة أنا عازمك الليلةعلى خروجة (قلط أبو الشباب)
منيرة: وينعازمني؟(متشققة)
أبو الشباب: فيه بار جنب بيتنا أمرك ونروح له
منيرة: ويييييين إحنا ما عندنا هالشغلات إحنا مب حقين بارات ديننا محرم علينا الشرب والرقص والاختلاط والتبرج أولا وبعدين حرام اطلع أنا وانت لوحدنا هذي تسمى خلوة
أبو الشباب: يعني ايش خلوة؟؟
منيرة: يعني بنت وولد ما يعرفون بعض ولا محرم لها يجلسون في مكان لوحدهم
ابوالشباب: طيب وأنتي الحين قاعدة معي هذي مهي خلوة؟
منيرة: لا هذا مكان عام ما فيه حواجز ومليان ناس
ابوالشباب: عالعموم أنا اكرر عزيمتي
منيرة: وأنا اكرررفضي
أبو الشباب: ترى إذا قمت ما فيه تغيرين رأيك منيرة: لا ابد قام أبو الشباب ومشى خطوتين وبعدين رجع لمنيرة وهي على جلستها وانحنى عليها ونزل نظارته على طرف خشمه وطالعها بعيونه وقالها بالسعودي:
اجل خالتك وزيرةهاااه؟؟؟!!!
لكل بنت سواق وعديتها لك بمزاجي.. لكن خالتك وزيره هذه قوييية...
ابن اللذينا طــــلع سعودي !!!!!!!!!!!!










:wub:..with my love..:wub:





لــــــمـــووووش الزهراني

هههههههههههههههههههههههههههههههههههههههه ههههههه
يعافيك ربي

ههههههههههههههاي

قريتها من قبل بس مخابيل ..!

يسلمو لموش ..!

مي تو قريتهآ من قبلٌ
ربيٌ يعآفيك , مآتقصصريُ

ههههههههههههههههههههه
احينا قل انها ماتعرف خشش السعوودين ... او الخليجي ..

يعطيك العافيه

ههههههههههههههههههههههه

قوووووووووووووووويه

فشلهااااا ...} فشيله

يعطيكِ الف عافيه ..~